Dänze
Wi hebbt de scheunst'n Volksdänz ut gans Nuurddüütschland för de Frünn van uns Nuurddüütsche Folklore rutsöcht. Kringdänz, Konterdänz, Dänz bloos för Manns- ooder Froonslüüd, usw. .
Al de Dänz ward in de oole oberleberte Wies danzt, bloos 'n beet'n affkört un ton Deel een lütt beet'n bearbeit. Keen het denn hüt all de Gedüür sick Dänz antokiek'n, de 10 Minuten un linger duern köönt. Ne, kört, bünnig un mit Swung mööt se vördrog'n ward'n.
To een Grootdeel van de Dänz ward ook sung'n, een Besünnerheit van denn Finkwarder Danzkring, de de ganse Sok noch een beet'n lebenniger mokt.

Leeder
De grötzte Deel van de Leeder sünd originol oole plattdüütsche Volksleeder. Een poar van jüm sünd van Text her een lütt beet'n affinnert, domit se sick beter in denn Sinn van de Folklore-Musikals iinpasst. Denn givt dat ook Leeder de sünd ierst iint ierste viddel van 't 20 Joahrhunnert upkomm'n. Een ganse Reeg van Leder hebbt wi för uns Folklore-Musicals sülben nee schreben. Se passt sick nohtloos iin denn Kring van de oolen Leeder iin. Een poar van düsse nee'n Leeder sünd up CD bi uns to hebb'n.
Al de Leeder ward, jüst soo as dat Leed dat volangt, as Chor- ooder Solistenleed vördrog'n. De Finkwarder Danzkring "Lünborger Siet" e.V. hett dat Glück, ober een ganse Reeg van Solist'n - Mannslüüd as Froonslüüd - torückgriep'n to köön'.

Riemels
De mierst'n Riemels stammt ut denn Posenstel van Rudolf Kinau un Gorch Fock. Ober ook anner Nuurddüütsche Schrieberslüüd as ton Bispel Fritz Reuter un Georg Ruseler sünd jüst soo to find'n as ook van Danzkring-Lüüd sülb'n schreb'n Stück'n.
Een Utwohl van de scheunsten Leeder un Riemels sünd in dat Book "De Norden singt Plattdüütsch" tohoopstillt, dat 2003 iin Florian-Noetzel-Verlag rut komen is.